Во првиот дел на отворената седница на ДИК се презентираше извештајот од административните проверки за ажурирање на Избирачкиот список.
Првичните резултати од овој вид на проверка покажуваат дека од Избирачкиот список, според претходно утврдената методологија, треба да избришат 4303 лица како починати, според проверките во Пензискиот фонд и МВР.
Од проверката во Матичната служба треба да се избришат уште 898 лица.
Во моментов трае паузата по што ќе се разгледува извештајот од теренските проверки на Избирачкиот список. Потоа членовите на ДИК ќе треба да го изгласаат извештајот и секој ќе се произнесе за понатамошните постапки на Државната изборна комисија.
Претседателот Чичаковски, иако му беше побарана изјава од медиумите, рече дека ДИК е составена од повеќе членови и не може сам да одлучи за заклучоците.
А.Б.