Деветгодишник кој управувал велосипед е тешко повреден во сообраќајна несреќа во село Студеничани, Скопско во која учествувало и возило „Рено Меган“ со скопски регистерски ознаки управувано од Д.М. (33) од село Зелениково.
Како што информира МВР во дневниот билтен, сообраќајката се случила вчера околу 14:54 часот на влезот во Студеничани.
– Во незгодата со тешка телесна повреда (скршена бутна коска) се здобил малолетникот. На повредениот му била укажана лекарска помош во Универзитетскиот центар – Скопје, наведуваат од МВР.
Од страна на увидна екипа од СВР-Скопје извршен е увид и се работи на целосно расчистување на случајот.
