Седумгодишно дете пешак е тешко повредено при удар од возило вчера околу пладне на ул. „Александар Урдаревски“ пред Зелен пазар во општина Бутел, управувано од засега непознат возач, информира денеска Министерството за внатрешни работи.
По незгодата возачот со истото возило го пренел детето до амбулантата во населба Бутел по што го напуштил местото. Повреденото дете со возило на брза помош било пренесено во ГОБ Св.Наум Охридски. Констатирани му се тешки телесни повреди, скршена лева клучна коска на рамот, и по укажаната лекарска помош е пуштено на домашно лекување.
Се преземаат мерки за целосно расчистување на настанот.