Тешка сообраќајна несреќа се случила вчеравечер во Прилеп, а во неа се повредени двајца малолетници – возач на скутер и неговата сопатничка, соопшти полицијата.
„На 05.07.2021 во 01.00 часот било пријавено дека во Прилеп, на крстосницата од ул.„Тризла“ со ул.„11 Октомври“ и ул.„Миноски Горан“ се случила сообраќајна незгода помеѓу мопед „хамачи“, управуван од малолетник и патничко возило „мерцедес“, со прилепски регистарски ознаки, управуван исто така од малолетник, двајцата од Прилеп. Во незгодата со тешки телесни повреди се здобила малолетна сопатничка на мопедот, а со телесни повреди се здобил возачот на мопедот, констатирани во Општата болница Прилеп. Извршен бил увид на местото на незгодата од увидна екипа од Полициската станица Прилеп“, се вели во полициското соопштение.