Дескоска: Праведно е да се отворат преговорите – од заробена, станавме држава со чиста препорака

Од:

Праведно е да се отворат преговорите за Република Северна Македонија – од заробена држава станавме држава со чиста препорака, ова го истакна министерката за правда Рената Дескоска денеска во Тирана на Конференција на високо ниво, насловена „It’s all about Justice“.

– Потврда на реформите и постигнатите резултати е позитивниот Извештај на Европската Комисија за 2019 година, и добиената чиста препорака за отпочнување на преговорите. Комисијата ја наведе нашата земја како позитивен и светол пример за другите земји. Поглавјето 23 е оценето како Поглавје во кое се бележи добар напредок. Севкупно, напредокот во владеењето на правото е најдобро оценет, во споредба со останатите држави од регионот, рече Дескоска.

На Конференцијата Дескоска се осврна на периодот кој го помина Република Северна Македонија и наодите во меѓународните извештаи во кои земјата ја носеше придавката „заробена“.

– Од заробена држава за неколку години станавме држава со чиста препорака, истакна министерката за правда.

Како дополнителна потврда за успехот на земјата во исполнувањето на европските стандарди, Дескоска ја наведе соработката со Венецијанската комисија која оцени дека правилната имплементација на законите од областа на судството може да обезбедат независност и ефикаснот на судството.

Според министерката Дескоска, добрососедските односи постигнати со договорите со Република Бугарија и Договорот со Република Грција за решавањето на спорот за името се само дел од низата успеси кои ги оправдуваат нашите очекувања да добиеме датум за почеток на преговорите.

Дескоска наведе низа закони кои Министерството за правда ги има донесено за исполнување на европските стандарди во правосудството и дека токму тоа е клучното постигнување на државата.

На конференцијата учествуваат министрите за правда од Западен Балкан, претставници на граѓанските организации и експерти кои работат во областа владеење на правото. Покрај министрите за правда, на конференцијата учествуваше и Претседателот на Владата на Република Албанија, Еди Рама.

Би можело да ве интересира

Дескоска: Јанева пред да биде разрешена испратила барање за буџет за СЈО

Ана Ололовска

(ВИДЕО) Дескоска: Да се испита имотот на судиите и обвинителите, слушаме за дилови меѓу нив

Васко Маглешов

Косовското обвинителство не знае каде е Африм Исмаиловиќ, обвинет во „Монструм“

Ана Ололовска

Дескоска најави измени на Кривичниот законик за кривични дела поврзани со тортура

Ана Ололовска

Министерството за правда не го кометира мислењето на Венецијаската комисија сè додека не стане официјално

Ана Ололовска

Брегу: Нема друг пат за заедничка европска иднина, освен преку владеење на правото

Ана Ололовска