Десетгодишно дете од скопско Батинци вчера е тешко повредено откако камион удрил во него и се наоѓа во животна опасност.
Сообраќајката, како што е наведено во полицискиот билтен, се случила вчера околу 16:10 часот во скопското село Батинци во којашто товарно возило „Мерцедес“ со скопски регистерски ознаки управувано од С.Ј. (29) од скопското село Цветово, удрило во 10-годишно дете кое се здобило со тешки телесни повреди. Дететето е пренесено во Градската општа болница „Св.Наум Охридски“ и се наоѓа во животна опасност.
Увид на местото на настанот извршила увидна екипа од СВР-Скопје. Се работи на целосно расчистување на случајот.