Ликвидирани се пожарите во Општина Сопиште кај селата Патишка река и Дражилово, во Општина Долнени кај селото Небрегово како и кај селото Костинци кон село Црнилиште, како и пожарот во Општина Петровец кај селото Катланово.
Пожарот во Општина Студеничани кај селото Рамни Габер, повторно се разгоре, а со него е зафатена ниско стеблеста шума. На местото на пожарот се лица од ЈП „Македонски шуми”.
Пожар има во Општина Куманово кај селата Орашец, Скачковце и селото Колитско, со кој е зафатена ниско стеблеста шума. Ангажирани се 10 лица од ЈП „Македонски шуми”. Пожарот е активен на делот кон селото Орашец.
Пожарот кој се појави на 20 август кај НП „Јасен” кон селото Брезница и општина Македонски Брод е активен. Зафатена е површина од 5000 хектари мешана шума.
Ангажирани се 50 лица од Дирекцијата за заштита и спасување, петмина пожарникари со две противпожарни возила, еден вод со две цистерни од АРМ и 20 лица од јавните претпријатија.
Пожарот во Општина Желино кај селото Ларце е под контрола. Зафатена е ниско стеблеста шума и сува трева.
Активен е пожарот во Општина Македонски Брод кај селото Волче на место викано Црквица во подножјето на Сува Гора. Со истиот е зафатена површина од 20 хектари деградирана шума, ниско стеблеста шума и сува трева. На местото на пожарот ангажирани се петмина од ЈП „Македонски шуми”.
Пожарот во Општина Јегуновце на планина Љуботен е активен. Зафатена е ниско стеблеста шума и сува трева на потег помеѓу селата Јажинце и селото Рогачево.
Исто, така, активен е и пожарот во Општина Јегуновце кај селото Вратница кон Беловиште со кој е зафатена високо стеблеста шума, костен и бука на напристапен терен. Противпожарен авион на Дирекцијата за заштита и спасување е ангажиран за гасење на пожарот.
Пожарот во Општина Тетово кај селото Вејце кон село Селце е активен, а зафатена е букова шума и пасишта.
Пожарот во Општина Новаци помеѓу селата Добровени и Совиќ на место викано Крстот е под контрола. Со пожарот е зафатена површина од 2500 хектари борова и деградирана шума на непристапен терен. За гасење на пожарот ангажирани се седуммина од ЈП „Македонски шуми”.
Пожарот во Општина Македонски Брод на планина Добра вода на тромеѓе со општина Гостивар и Општина Кичево се уште гори, а го има зафатено врвот на планината при што е зафатена сува трева и пасишта.