Дерковски: Избирачкиот список никогаш нема да биде идеално чист

Од:

Претседателот на Државната изборна комисија, Оливер Дерковски, се надева дека на претстојните избори нема да има злоупотреба на лични карти за гласање. Тој вели дека обврска на ДИК е да овозможат сите граѓани да имаат право на глас, а за избирачкиот список смета дека никогаш не може да биде идеално чист. За вицепремиерот Бујар Османи, пак, прашањето со злоупотреба на личните карти е одамна надминато.

„Откако сме во ДИК, немаме случај за употреба или злоупотреба на лични карти, како и лични документи. Се надевам дека нема да има ниту во следниов изборен процес. Ултимативна обврска ни е да организираме избори, каде секој граѓанин ќе го оствари правото на глас, без некој друг да го направи тоа на негово место. Сметам дека во тој правец ќе продолжиме. Избирачкиот список редовно се ажурира и прочистува. Никогаш нема да биде идеално чист, бидејќи секојдневно има луѓе кои добиваат право на глас и кои се бришат. Она што можам да го гарантирам е дека на избирачкиот список има само граѓани на нашата држава, со право на глас“, вели Дерковски.

Османи пак, вели дека државата е зрела, односно, инклузивната влада дополнително ги зацврстува темелите на организирање регуларни избори.

„Можеби сме единствена земја во светот која има ваква инклузивна влада пред избори. Ова е знак на зрелост. Сто дена пред избори, да отстапите министерства на опозицијата е знак на зрелост, гаранција дека никој не може да ги злоупотреби институциите, па да издаде лични карти и слично. Ова веќе неколку изборни циклуси не е прашње со кое се занимаваме“, вели вицепремиерот Османи.

Би можело да ве интересира

ДИК: Потврдени се 303 листи за градоначалник на општините и на Град Скопје

А1он

Костадиновски: Одлуката на ДИК да оди со два потписи, која не претставува ограничување, претставува и имплементација на одлуката на Уставниот суд

Уставен не поведе постапка за Правилникот на ДИК

Правилникот на ДИК за собирање потписи за кандидатските листи за локалните избори пред Уставен суд

18 кандидати за градоначалник на Скопје, 20 листи за членови на Советот

Катерина Ѓуровски

Утре на полноќ завршува јавниот увид во Избирачкиот список