Одбележување на двата значајни датума од историјата на македонскиот народ – 114 години од Илинденкото востание и 73 години од Првото заседание на АСНОМ денеска во Гевгелија организираше општинската боречка организација.
Општинска делегација на чело со градоначалникот Иван Франгов, делегација на борците, здруженија на граѓани и политички партии по повод празникот положија цвеќе пред Спомен-костурницата на паднатите борци и на бистите на народните херои.
За значењето на двата Илиндена говореше претседателот на боречката организација Ристо Марковски, кој истакна дека преку нив македонскиот народ јасно и недвосмилено ја истакнал својата желба да живее во слободна и независна држава, нагласувајќи дека Илинден секогаш треба да биде потсетник за нескршливата волја на македонскиот народ.