Времето денеска ќе биде променливо облачно, наместа нестабилно со пороен дожд и грмежи, локално во форма на невреме со пообилен пороен дожд за кратко време (над 20 l/m²), засилен ветер (над 60 km/h) и услови за изолирана појава на град.
Во Скопје, времето ќе биде променливо облачно, попладне и во текот на ноќта нестабилно со пороен дожд, грмежи и засилен ветер.
Во делови од котлината процесите ќе бидат во форма на краткотрајно невреме.
И во четврток времето ќе биде променливо облачно, наместа нестабилно со пороен дожд и грмежи, локално во форма на невреме со пообилен пороен дожд за кратко време (над 20 l/m²), засилен ветер (над 60 km/h) и услови за изолирана појава на град.
Потоа следува период на претежно стабилно време со слаб до умерен северен ветер.