Времето во текот на денешниот ден се очекува да биде променливо облачно со повремени локални врнежи од дожд и со ретка појава на грмежи.
Како што информираат од Управата за хидрометеоролошки работи, ќе дува слаб до умерен северен ветер.
Минималната температура се очекува да биде во интервал од 4 до 10, а максималната од 11 до 18 степени.
Во Скопје се прогнозира променливо облачно време со повремен дожд и со услови за ретки грмежи.
Се очекува да дува слаб до умерен ветер од северен правец. Минималната температура ќе се спушти до 9, а максималната ќе достигне до 15 степени.
Синоптичарите информираат дека продолжува периодот на променливо облачно време со повремени врнежи од дожд.
Според најавите, денеска и во четврток ќе има изолирана појава, а од петок на повеќе места ќе биде нестабилно, со пороен дожд и грмежи. Температурите од недела се очекува да бидат во опаѓање.