Демократскиот сојуз ги поддржува граѓаните од Гевгелија кои протестираат против изградбата на мали хидроцентрали на една од најубавите и најчисти реки во Македонија, реката Дошница на Кожуф. Со изградбата на хидроцентралите сериозно ќе се загрози биодиверзитетот, велат од Демократски сојуз.
„Сите експерти се изјаснија дека со малите хидроцентрали целосно се уништува растителниот и животинскиот свет, се загрозува природниот тек на реката, крајречната вегетација, се прави ерозија на екосистемот. Тоа е злосторство против природата и човештвото. Владата треба да ги послуша граѓаните и да ја запре постапката за изградба на ваков вид хидроцентрали насекаде во Македонија“, тврдат од партијата.