Сообраќајот на сите магистрални и регионални патни правци низ државата попладнево се одвива делумно забавено, по наместа влажни коловози поради врнежи од дожд, информира Автомотосојузот на Македонија.
Поради појава на магла, видливоста во Тетово и Гостивар е од 30 до 50 метри, а во Неготино, Демир Капија, Струмица, како и на патните правци Катланово – Велес и Куманово – Страцин видливоста е до 100 метри.
АМСМ препорачува поголема внимателност на патните правци Дебар – Струга, Маврово – Дебар, Катланово – Велес и Демир Капија – Удово каде има почеста појава на одрони кои може да го попречат движењето на возачите.
Поради ниските температури, на повисоките места има можност за појава на голомразица.