Корисниците од ресторанот на тенискиот терен Југ, Воен стадион, тениските терени со пропратните објекти, спортската сала Парк, ресторанот во спортката сала Парк и Луна паркот во општина Центар утре од 8:45 до 15:00 часот ќе останат без напојување со електрична енергија.
Во периодот од 9:00 до 12:00 часот без струја ќе бидат и корисниците од улицата „Архитект Никола Добровиќ“ бр. 17, влез 3 во општина Кисела Вода.
Од 08:30 до 14:00 часот без електрична енергија ќе бидат и корисниците од населеното место Арнакија, патот за Бунарџик и фирмите Завар, Метал Амајлија и Гранд Дискотека, а од 08:30 до 11:30 часот и корисниците од село Бучинци.
Како што информира Регионалниот центар за управување со кризи на град Скопје, причина за прекинот во снабдувањето со електрична енергија е изведување закажани технички зафати во дистрибутивната мрежа од страна на „ЕВН Македонија“ АД.
