На собранието на Европските зелени што од 7 до 9 ноември се одржува во Истанбул учествува делегација од Демократската обнова на Македонија-ДОМ, предводена од претседателката Лилјана Поповска.
Во фокусот на средбата се демократијата, невработеноста на младите во Европа, енергетската безбедност и климатските промени во пресрет на Самитот во Париз идната година.
– Претседателката на ДОМ, Лилјана Поповска, на првата сесија на групата за климатски промени извести за конференцијата на балканските зелени партии „Еколошка безбедност за Балканот – спремен одговор за климатските промени“, организирана во октомври од ДОМ со поддршка од Балканската мрежа, со десет партии и 250 учесници од девет земји. Информираше за темите, заклучоците, но и за отвореноста на балканските зелени за заедничко дејствување во овој честопати турбулентен регион, информира ДОМ.
На Собранието ќе се избира и нов генерален секретар, а меѓу кандидатите единствен претставник од Балканот е Борјана Хрисимова од Бугарските зелени.