Во овој момент има доволно крв и нема потреба од дополнителни крводарителски акции за повредените во страотната несреќа во Кочани. Воедно ги имаме сите неопходни материјални средства и немаме потреба од било какви донации, објави директорот на Центарот за управување со кризи Стојанче Ангелов.
– Има понуди за помош од повеќе држави. Се вршат подготовки за транспорт на тешко повредените лица во врвни болници од оваа област во неколку европски држави. Немаме зборови со кои може да се опише тагата од оваа ужасна несреќа. Сочувство до семејствата кои ги изгубија своите најблиски, информираше Ангелов.