Министерот за надворешни работи Никола Попоски и специјалниот известувач во Европскиот парламент за Република Македонија, Ричард Ховит ќе се обратат на дебатата на тема „Европската унија во 21-от век: проширувањето со нови членки – императив на европската агенда“ што денеска ќе се одржи во Скопје.
На дебатата, организирана од Институтот за геостратешки истражувања и надворешна политика, ќе учествуваат и Срѓан Керим, Таки Фити, Арсим Зеколи, Тања Каракамишева, Радмила Шекеринска и Александар Спасеновски.