Градоначалникот на Куманово, Зоран Дамјановски ги отфрли обвинувањата на против-кандидатите дека за време на изборите решава инфраструктурни проблеми и гради улици.
Тој нагласи дека локалната самоуправа нема започнато проект, кој не е во согласност со законот, туку само довршува улици кои се започнати неодамна.
Нашите политички противници ги фаќа паника, соочени со проблемите што ги имаат на терен, излегуваат со невистини и инсинуации кои се својствени за нивната валкана кампања што ја спроведуваат во изминатите 7 години. Посакувам фер кампања и избори, во кои ќе победи најдобриот. Апелирам претставниците на ВМРО-ДПМНЕ да не ги злоупотребуваат јавните институции како што се Здравствениот дом, Центарот за јавно здравје и останатите што ги посетија во изминатиот период – изјави Дамјановски.
Елена Георгиевска