Кумановскиот градоначалник, Зоран Дамјановски со делегација од Општина Куманово деновиве присуствува на 26-тото Собрание на Асоцијација на градови-носители на порака на мирот, кое годинава се одржува во Месолонги, соседна Грција.
На самата асамблеа е предвидено да присуствуваат делегации од над 30-тина градови-носители на порака на мирот.
Традиционално на отворањето како што ни соопштија била прочитана и порака од генералниот секретар на Обединетите Нации, Бан ки Мун, чија составна комисија е Асоцијацијата на градови на мирот.
На самото собрание ќе бидат разгледани достигнувањата на градовите-членки во промовирањето на вредностите, воспоставени во Декларацијата за зачувување на мирот и исто така ќе биде извршен прием на нови членки во организацијата.
Општина Куманово е дел од ова големо семејство на градови од 2009 година, кога свечено беше примена заедно со Барселона, Мексико Сити и Загреб.
Елена Георгиевска
ФОТО: Општина Куманово