Градоначалникот на општина Куманово Зоран Дамјановски денеска организираше прием за учесниците во групната маска „Венецијанска кралица со дворјани“ која ја освои третата награда на карневалот во Струмица по оценка на стручното жири во конкуренција помеѓу 30 и 50 учесници.
Маската ја подготвија учениците и професорите од средните училишта „Гоце Делчев“, „Наце Буѓони“, „Перо Наков„ и „Киро Бурназ„ Во изработка на маската учествуваа учениците и професорите, а идејата била учениците. Учеството на учениците и професорите се спроведува со поддршка на секторот за образование од општина Куманово.
– Ние како град веќе деценија учествуваме на карневалот. Многу ми е драго што учениците и нивните професори успеаа да се изборат за награда во силна конкуренција и да го претстават Куманово во најдобро светло“, изјави Дамјановски.
Професорската Марија Тодоровска изјави дека наградата е поттик за учество и идната година на Струмичкиот карневал и се надева дека идната година ќе имаат подобра идеја и реализација.
Учениците учесници во групната маска велат дека се задоволни од постигнатиот успех и од стекнатото искуство.