Поранешните вработени во АД „Славија“ повторно беа излажани. И покрај ветувањето дека ќе имаат средба во Управата на Славија со раководителката, со директорот на Агенцијата за управување со одземен имот, Земри Ќамили и со Хелсиншкиот комитет за да се договори исплатата на нивните 39 плати, сепак останаа од надворешната страна на капијата.
Вработените бесни на ваквата манипулација и „уморни од многугодишните лаги“, се заканија со порадикални чекори и со самозапалување.
На Капијата пред АД Славија беше запрена и Уранија Пировска, извршен директор на Хелсиншкиот комитет. Таа изјави дека работниците треба да ја дочекаат правдата која е на нивна страна и дека очигледно е прекршувањето на човековите права во овој случај. Според Пировска не држи изговорот дека нема имот за да се исплатат платите на поранешните вработени во АД „Славија“.
Вработените во АД „Славија“ иако имаат позитивна судска одлука, сеуште не можат да ги добијат 39 те плати чиј вкупен износ е околу 5 милиони евра.