Дачиќ: Да не ни се држат лекции, три четвртини од земјите во ЕУ сега не би го поминале тестот

Од:

Замолувам да не ни се држат лекции од страна, бидејќи сите земји членки на Европската Унија сега да треба да поминат низ она што поминуваме сите ние тука за да влеземе во Унијата, тогаш три четвртини од земјите не би го поминале тестот, порача српскиот министер за надворешни работи Ивица Дачиќ.

Тој во своето обраќање денеска за време на потпишувањето на декларација за борба против корупција во рамки на 30. Министерски состанок на ОБСЕ во Скопје, рече дека не постои борба против корупцијата без полиција, правосудство и обвинителство.

-Она што мене малку ме нервира во сето ова е дека ние самите за себе велиме дека сме шампиони, а всушност не сме. Шампионите се таму каде што има пари, каде што има моќ и влијание, таму каде што корупцијата се спроведува во форма на закон. Да се земе провизија на Запад е легално, а кај нас е корупција. Жал ми е што и тие не се тука на потпишувањето на декларацијата, бидејќи први треба да ја потпишат, рече Дачиќ.

Според Дачиќ, борбата против корупцијата и организираниот криминал не може без целосната координирана акција и меѓународна соработка.

-Не се тука сите земји од нашиот регион. Мислам дека тие се повеќе во корупција од нас. Ние тука можеме само да дадеме одредена политичка поддршка, додаде Дачиќ.

Според Дачиќ, ниту една земја не може сама. ОБСЕ, како што рече, треба да помогне за државите да ги унапредат своите капацитети – капацитетите за спречување, сузбивање, истрага и гонење на криминал.

-Ние треба да ја одржуваме меѓународната соработа, стручност и најдобрата пракса, што пак подразбира и користење на одредени дигитални алатки, односно предности на новите технолошките феномени, додаде српскиот министер за надворешни работи.

Би можело да ве интересира

Османи: Русија, а не западните демократии е причина за проблемите и нестабилноста на регионот

Предраг Петровиќ

Карпентер: Русија останува изолирана во рамки на ОБСЕ, постигнат договор за фукционалноста на организацијата

Катерина Ѓуровски

Лавров за Бугарија: Луѓето во Македонија имаат право да бидат еднакви со сите во Европа, имам топли чуства за вас

Орце Костов

Лавров за изолирањето на Русија во ОБСЕ: Јас сум тука во Скопје, а Блинкен избега како кукавица

Орце Костов

Украинскиот амбасадор во ОБСЕ: Не можеме да ја градиме иднината на ОБСЕ, со земја која ја киднапира нашата иднина

Поради генерална проба за Министерскиот совет на ОБСЕ, утре посебен сообраќаен режим во Скопје

Предраг Петровиќ