ЦУК: Забрана за движење кај стрелиштето „Леково“, пожари во Кавадарци и Велес

Од:

Регионалниот ЦУК – Битола информира дека од страна на Армијата – единици од Прилеп, денеска од 08:30 до 15 часот, на стрелиштето „Леково“ ќе се реализира бојно гаѓање. За таа цел се забранува секакво движење на лица и стока во реонот на стрелиштето, информираат утрово од Центарот за управување со кризи (ЦУК).

– Се предупредуваат сите лица кои доколку по завршувањето на гаѓањето, пронајдат неексплодирани зрна, односно проектили, да не ги фаќаат и за истото да се јават на 112 во ЦУК или МВР и командата на касарна Прилеп, појаснуваат оттаму.

Од ЦУК апелираат и на голема внимателност поради локални нагли метео-промени, особено при грмежи и молњи, да не се престојува на отворен простор и под осамени дрвја.

Изминатото деноноќие, како што е соопштено, евидентирани биле пожари на отворено во Кавадарци и во Велес.

– Велешките пожарникари гаснеле запалена ниска вегетација во градскиот парк во Велес, а пожарникарите од Кавадарци гаснеле неколку дрвја во близина на патот за село Ресава, додаваат оттаму.

Би можело да ве интересира

Нема повредени при запалените куќи на Бит-пазар, полицајци сѐ уште присутни на лице место

Бројот 112 да не се користи како информации и за секојдневни проблеми, повикуваат од ЦУК

Двајца странци заглавиле на врвот Приберг на Шар Планина, извлечени од косовска страна

Катерина Ѓуровски

Вкупно 46 пожари на отворено, седум активни, еден под контрола

Ѓубре, ниска вегетација и стрниште горат во општините Битола, Бутел и Брвеница

Вкупно 28 пожари регистрирани на отворен простор, активни нема, еден е под контрола