„Нема да се кандидирам за градоначалник на Скопје“, лидерот на СДСМ, во интервју за 5 ФМ, кое ќе се емитува утре во целост, демантира дека има амбиции за било каква функција.
Црвенковски го отфрли тврдењето на интернет изданието на весникот „Нова Макеонија“, кој објави дека СДСМ ги анкетира граѓаните на Скопје за рејтингот на идниот градоначалник на главниот град, а меѓу понудените бил и тој.
„Кој знае што уште ќе тврди „Нова Македонија“ и сличните како неа до локалните избори. Јас во повеќе наврати сум кажал дека, јас бев премиер, бев претседател на оваа земја. Во делот на политичката кариера го достигнав врвот, благодарение на поддршката на граѓаните. Јас немам право да имам амбиции за некаква власт“ , изјавил Црвенковски за 5 ФМ.
