Раководствтото на СДСМ, годинава ќе заборави на плажите. Бранко Црвенковски, велат во партијата е идејниот татко на проектот „Работно лето“.
Денеска со автобус со новинарите до „Козјак“, за викенд меѓу кумановчани. Ќе бидат со нив, ќе ја слушнат нивната мака и секојдневие, за да можат по нивни терк и потреби да ја напишат изборната програма. Зоран Дамјановски-Циц и по трет пат со дресот на СДСМ, ќе ја бара довербата на кумановчани.
И пред „Пиво-фест“, за десетина дена, СДСМ ќе биде во прилепско. Таму Хари Локвенец ќе се бори да го разбие досегашниот бастион на ВМРО-ДПМНЕ.
Зборуваше многу, но, Црвенковски денеска не откри многу пред новинарите. За локалната изборна трка се уште се испитува теренот, се прави сондажа на расположението. Некои кандидати, вели ќе зависат и од договорот со колаициските партнери, а за Тетово и Гостивар ќе се сочека и каква ќе биде комплетната опозициска клима. На тетовчани вели, не им е толку значајна етничката припадност, туку да се работи за квалитетна понуда за „татко“ на општината.
Актуелниот градоначалник Беџети, е личност во кој тетовци имаат доверба.За Кичево и Струга, не верува, но Црвенковски вели, можно е да се оди со единстев ен кандидат со ВМРО-ДПМНЕ, но доколку се работи за пр ифатлива личност и за двете страни.