Пратениците Маја Морачанин, Павле Богоевски, Лилјана Поповска, Славица Шуманска-Митева, Јагода Шахпаска, Снежана Калеска-Ванчева и Емилија Александрова, членови на Интерпартиската парламентарна група за правата на ЛГБТИ лицата од денеска престојуваат во четиридневна студиска посета во Холандија.
Целта на посетата, информираат од собраниската прес-служба, е презентирање на најдобрите парламентарни пракси за работа на ова поле, како и презентирање на пракси за подигнување на свеста за не насилство, спречување на говор на омраза и дискриминација.
Поканата за учество на студиската посета е од организацијата ХЕРА – Асоцијација за здравствена едукација и истражување, во рамките на Проектот „Собранието и локалната самоуправа во унапредувањето на правата на ЛГБТИ луѓето“, поддржан од Амбасадата на Кралството Холандија.
Во рамки на студиската посета предвидена е посета на Парламентот во Хаг и средба со пратениците одговорни за креирање на политиките од областа на ЛГБТИ прашањата, средби со локални политичари, посета на институции и средби со невладини организации, кои работат на застапување заедно со холандските пратеници.
