Јавното претпријатие Водостопанство „Скопско Поле” изминатиот период вршеше машинско и рачно расчистување на каналите во општина Гази Баба во должина од 8750 метри.
Како што соопшти Општината, во Економија е расчистен каналот во должина од 300 метри, кај местото викано Шамак-главниот канал (Горна зона) каналот во должина од 1.850 метри и во Инџиково дел од каналот со должина од 2.200 метри.
Се вршеше и машинско чистење на Идризовскиот канал во должина
од 370 метри, а во моментот се работи на расчистување на Инџиковскиот канал, долен дел и каналот кај Дрма.
Со овие активности се намалува можноста од излевање на атмосферските води и поплавување на земјоделското земјиште при поголеми врнежи од дожд.