Грозоморна глетка ги затекнала вчера посетителите на Градскиот парк во Скопје, кога виделе како човек врзал со гума дете за дрво и го малтретирал, а неговата 9-годишна сестра ја мавал со прачка. Еден од посетителите го снимил овој морничав настан и го пријавил човекот во полиција.
Случајот завршил во Единицата за насилен криминал – се утврдило дека станува збор за чичко на 10-годишно момче со аутизам и за неговата сестра. Родителите наводно ги оставиле децата на чување кај чичкото, а тој се изживувал со нив и ги малтретирал, за што впрочем говорат и направените снимки.
До Основното јавно обвинителство од страна на Единицата за насилен криминал поднесени се пријави и против родителите и против чичкото, за запуштање и малтретирање малолетно дете.
Од обвинителството се чека дали ќе им биде одредена мерка притвор.