Во сообраќајна незгода која се случила утрово, четири лица се потешко повредени, а едно полесно. Возачот и тројцата сопатници се згрижени на скопските клиники.
Според СВР Тетово, околу 4 часот и 30 минути, автомобилот „сеат-ибица“ што го управувал Д.С. (31) откако се исклучил од автопатот Гостивар-Тетово, кај клучката за селото Камењане, излетало од коловозот и удрило во дрво.
Во автомбилот биле и Ф.Џ. (45), Б.А. (35), А.З. (36) кои откако им била укажана прва помош во тетовската болница, се испратени за Скопје. Петиот сопатник И.Ј.(41) поминал со полесни повреди.
Екипа на СВР Тетово извршила увид и работи на утврдување на околностите под кои довеле до незгодата.
