Кривичниот суд за четири лица кои уествуваа во нередите во Собранието одреди мерка притвор, на едно лице му определи мерка куќен притвор и на две лица мерки на претпазливост.
Предлогот, посочуваат од судот, се однесува на кривичното дело – Учество во толпа што ќе спречи службено лице во вршење на службено дејствие од член 384 став 1 од Кривичниот законик за кое е предвидена казна од една до пет години согласно законот, а со оглед на тоа што се работи за скратена постапка по новиот закон за кривична постапка во претходна постапка притворот може да трае најмногу до осум дена.
Досега пред судот се изнесени седум лица, од вкупно 14 кои се опфатени со мерката на Јавното обвинителство.