Четворица македонски државјани загинаа во тешка сообраќајна несреќа што се случи вчера на автопатот Кавала – Солун во Грција.
Во сообраќајката има уште шестмина повредени кои се пренесени во болницата во Кавала и се во тешка здравствена состојба. Патниците се враќале со минибус од свадба во Турција.
Во сообраќајката настрадаа 68-годишна жена, нејзиниот 42-годишен син, 38-годишната ќерка и 16-годишната внука. Минибусот го управувал зетот кој најверојатно заспал на воланот.
Грчката полиција го известила македонскиот Конзулат дека повредените се хоспитализирани во болницата во Кавала, а од македонското дипломатско преставништво на возачот на комбето му е понудена правна помош.
Сите патници во минубусот се од Струга.