Четириесет лица се вклучија во крводарителската акција во општина Кисела Вода

Четириесет граѓани денеска се приклучија на крводарителска акција што се одржа во просториите на општина Кисела Вода.

Крв даруваа и вработени во општинската администрација и претставници од сите месни и урбани заедници од општината. Најмладиот дарител имаше 23 години, а највозрасниот 63.

Оваа акција, која е во организација на општина Кисела Вода и Општинската организација на Црвениот крст – Кисела Вода, во соработка со Заводот за трансфузиологија-Скопје, се одвива неколку пати годишно.