Четириесет единици крв беа собрани во крводарителската акција која беше реализирана денеска во Музеј на град Неготино, во организација на неготинскиот Црвен крст, во соработка со Институтот за трансфузиона медицина од Скопје.
– Вообичаено е лете да има крводарителски акции, поради поголемите потреби од крв, рече доктор Ефтим Димитровски од Институтот.
Тој ја оцени акцијата како солидна и информираше дека во тек е реализацијата на годишниот план за крводарувања, кој го спроведуваат заедно со Црвениот крст на Македонија.
– Секојдневно има акции насекаде во Македонија. Дарителите можат да дојдат и да ја даруваат својата скапоцена течност, нагласи Димитровски.