Четири бебиња починале синоќа на Клиниката за гинекологија и акушерство во Клиничкиот центар „Мајка Тераза“, по што била формирана комисија за истражување на случајот.
Докторката која што вечерта била дежурна на клиниката за гинекологија била веднаш суспендирана.
Бебињата биле предвремено родени или со мултиоргански засегања и застој во растот и биле чувани во инкубатори.
Едното бебе било родено во 25. гестациска недела, друго во 27. недела и имало сериозни невролошки проблеми и проблеми со некои органи. Другите две биле родени во 29. недела, од кои едното со претходно утврден застој во растот во матката, а другото со предвремено прснат воденик и бактерија кај мајката.