Лидерот на Демократската унија за интеграција Али Ахмети во лично име и од име на партијата упати честитка до христијанските верници по повод Велигден, во која вели дека е празник на триумфот, животот и надежта.
– Почитувани сограѓани и сонародници, овој празник е и можност да рефлектираме за мир, простуваме и помируваме, како предуслови за подобра сегашност и иднина. Дури и пред овие предизвици искушенија на ова време, мислам дека работите кои не обединуваат се повеќе од оние кои не разделуват. Дозволете овој празник да ни служи за одгледување, промовирање и зајакнување на толеранцијата и меѓусебното почитување. За секој од вас, за вашите фамилии ви посакувам благосостојба, здравје и се најдобро, пишува во велигденската честитка на претседателот на ДУИ Али Ахмети.