По повод најголемиот христијански празник Воскресение – Христово Велигден, Директорот на Комисијата за односи со верските заедници и религиозни групи, Даријан Сотировски, упати честитка до поглаварот на МПЦ – ОА Г.Г. Стефан и до сите православни верници на Македонската православна црква – Охридска архиепископија.
Сотировски исто така упати честитка и до Претседателот на црковното претставништво на Евангелско-Методистичката црква во Република Македонија, д-р Емил Заев, како и на сите верници на Евангелско – методистичка цркава во Република Македонија.
„Дозволете ми да Ви упатам срдечна честитка по повод нај¬го-ле¬ми¬от и најсветлиот, празникот на неизмерната радост Христовото Воскресение – Велигден. Ви упатувам искрени желби Христовото Воскресение да го дочекате во големо смирение, со срца полни со ра¬дост и воскресенска љубов.
Денот на Воскресението е, да се радуваме во торжеството на праз¬никот и да се прегрнеме еден со друг. На оние кои нè мразат да им речеме: браќа! И да простиме сé заради воскресението, како што стои во пасхалната стихира.
Овие зборови на дело да ги покажуваме целата година која е пред нас, затоа што денес не се потсетуваме и не си спомнуваме са¬мо за историски настан, туку за вечната вистина. Само така вос¬кре¬сението ќе го почувствуваме внатре во нас самите, а истото ќе го почувствува и нашата татковина. Секој од нас е способен за по¬веќе, за подобро за вистинска човечност која на дело треба да се покажува постојано“, се вели во честитката.