Претседателот на СДСМ Зоран Заев, денеска, по повод почетокот на рамазанските пости упати честитка до поглаварот на Исламската верска заедница Реис ул Улема ефенди Сулејман Реџепи, до членовите на Ријасетот и до сите верници од исламска вероисповед во Република Македонија.
– Дозволете на сите верници од исламска вероисповед во Република Македонија, и Вам лично да Ви упатам искрени желби за добро здравје, благосостојба и мир во душата. Нека овој месец, на Вас и на сите верници од исламска вероисповест, Ви донесе радост и среќа, успех и напредок, спокој во душата и хармонија во семејствата, се вели во честитката од Заев.
Верувам дека како и досега, се неведува во честитката, ќе останеме цврсто обединети во заедничкиот стремеж за непрекината промоција на мултикултурната соработка и соживот во нашата држава.
– На тој начин заеднички ќе придонесеме во остварувањето на поголема духовна благосостојба на сите граѓани во Република Македонија, додава Заев.
