Претседателот на Собранието на Република Македонија Трајко Вељаноски по повод големиот христијански празник Велигден упати честитка до вернците од Евангелско-методистичката црква и до Емил Заев.
– Почитуван Емил Заев, дозволете ми, од свое лично име и од името на Собранието на Република Македонија, Вам лично и на сите верници на Евангелско-методистичката црква во Република Македонија, да Ви го честитам големиот христијански празник, Воскресение Христово – Велигден, се вели во честитката од Вељаноски.
Велигден, се посочува, не поттикнува на добра мисла, радост и духовни победи. Христовото воскресение ни ја откри смислата за животот и не направи вечни победници над смртта.
– Како христијани потребно е да сме насочени кон почитување на највисоките морални и етички вредности и да сме истрајни во нашите цели. Овој голем ден нека продолжи и понатаму да биде изворот на спокој и мир и да ни дава сила да се бориме против неправдата. Нашиот успех и напредок се темели на создавање на добри дела и почит кон сите луѓе, се нагласува во честитката.
Убеден сум дека, се додава, дека придонесот на Евангелско-методистичката црква во Република Македонија со својата хумана и духовна работа придонесува во јакнењето на религиската различност и соживотот кој пак ни го отвора патот на просперитетна иднина на Република Македонија.
– Вам, како и на сите верници на Евангелско-методистичката црква од Македонија и светот, Ви посакувам овие свети денови да ги поминете во духовен мир, со многу здравје, радост, среќа и бериќет во секој дом. Христис Воскресна!, се истакнува во честитката од Вељаноски до Емил Заев и верниците од Евангелско-методистичката црква поповод Велигден.