Претседателот на Собранието на Република Македонија Талат Џафери упати честитка до припадниците на исламската вероисповед односно до сите кои од денеска го започнуваат светиот месец Рамазан, месец во кој се практикува постот, молитвата, споделувањето на храната и убавиот збор.
– Тоа е месец во кој семејствата се обединуваат, пријателите се среќаваат и споделуваат, додека пак непознатите меѓутоа не толку среќните, стануваат драги и ценети гости на заедничката трпеза. Духот на празникот со сета негова солидарност навлегува во секој дом, ги исполнува срцата со топлина и ги насочува луѓето кон правење добри дела. Бидејќи, не смееме да заборавиме дека не секогаш се сите среќни, здрави и успешни. Не секогаш сите живеат во економска благосостојба и безбедна иднина, се вели во честитката на Џафери.
Претседателот на Собранието на РМ на оние кои ќе постат им посака да им биде со лесно, а на сите останати, да имаат разбирање и трпение кон сограѓаните.