Министерот за одбрана Зоран Јолевски на припадниците на Армијата и на сите граѓани на Република Македонија им го честита 18-ти Август – Денот на Армијата на Република Македонија.
– Вашето несебично залагање и посветеноста кон работата придонесуваат кон унапредувањето на мирот и безбедноста на сите граѓани на Република Македонија.
Професионалноста која секојдневно ја покажувате е пример за сите и затоа граѓаните на Република Македонија имаат огромна доверба во Вас, припадниците на Армијата на Република Македонија и вработените во Министерството за одбрана. Верувам во Вашите капацитети да придонесете кон просперитетна, силна и мирољубива Република Македонија, пишува во честитката на министерот Јолевски.
На 18 август 1943 година бил формиран баталјонот „Мирче Ацев“ на Славеј Планина. Со одлука на Владата на Република Македонија од 1993 година, тој ден се слави и како ден на Армијата на Република Македонија.