Претседателот на Собранието на Република Македонија Талат Џафери упати честитка по повод 28 Ноември – Денот на албанското знаме.
– Дозволете ми, да го честитам 28 Ноември, Денот на албанското знаме и во исто време и Денот на независноста на Република Албанија, наш сосед и пријателска земја. Овој ден се негува во колективната меморија на сите припадници на албанскиот народ, а Албанците се значаен и интегрален дел на Република Македонија. Денес, кога се одбележува 105. годишнината од кога истакнатиот дипломат Исмаил Ќемали, заедно со делегати од различни албански градови го истакна националното знаме во Валона, Албанците, каде и да се наоѓаат празнуваат, бидејќи, тоа е важен сегмент во албанската национална културна ренесанса, стои во честитката од претседателот на македонското Собрание Џафери.