Густ сив чад денеска го прекри поголемиот дел од Скопје, а граѓаните пријавуваат и интензивен мирис на изгорено. На социјалните мрежи се споделуваат фотографии и видеа од различни делови на градот, каде видливоста е намалена поради чадот.
Од Центарот за управување со кризи (ЦУК) информираат дека чадот во Скопје доаѓа од пожарот во реонот на Китка, на територијата на општините Студеничани и Зелениково.
„Зачаденоста на градот е од ветерот кој го носи чадот од актуелниот пожар во Китка, Општина Студеничани и Општина Зелениково. На тој пожар до сега дејствуваше хеликоптерот на МВР“, велат од ЦУК.