На покана на министерот за надворешни работи на Република Македонија, Никола Димитров, денес, потпретседателот на Владата и министер за надворешни работи на Република Словенија Миро Церар, престојува во официјална посета на Република Македонија.
На средбата со МНР Димитров, како и на пленарните разговори помеѓу делегациите беа разменети мислења за севкупните билатерални односи помеѓу двете пријателски држави, а се разговараше и за можностите за зајакнување на соработката во повеќе области од заемен интерес, со посебен акцент на економската и регионалната соработка.
Церар упати честитки до министерот Димитров и Владата на Република Македонија за постигнатиот Договор со Грција, ја реафирмираше силната поддршка од Словенија за забрзување на пристапните процеси за полноправно членство на Република Македонија во Европската унија и НАТО.
Двајцата Министри ќе присуствуваат и на свечен настан по повод отворање на новите простории на Амбасадата на Република Словенија во Република Македонија.