На булеварот „Митрополит Теодосиј Гологанов“, на потегот од крстосницата со улица „Франклин Рузвелт“ до поранешната фабрика Алумина, се вршат градежни активности поради што денеска и утре ќе има целосен прекин на сообраќајот.
Како што соопшти Град Скопје, сообраќајот ќе биде пренасочен и кон Ѓорче Петров по улицата „Франклин Рузвелт“, булевар „Партизански одреди“ и улица „Московска“, а во обратна насока кон Центар ќе биде пренасочен по улицата „Московска“, булеварот „Партизански одреди“ и улицата „Франклин Рузвелт“.
И автобусите на јавниот градски превоз со број „5“ ќе ја користат посочената траса.