Во извештајот на 23 страници на ДИК е посочено дека има 495.258 спорни гласачи кои се наоѓаат во Избирачкиот список. Според извештајот 190.000 се фиктивни гласачи, односно ги има во базата на МВР, но не и во останатите бази на податоци.
Податокот за спорни речиси 500.000 гласачи е резултат од вкрстената проверка на базите на податоци на МВР и другите институции.Со ова се доведува во прашање и тајмингот на теренската проверка на спорните гласачи. Државната изборна комисија на вчерашната седница не го усвои извештајот со резултатите од вкрстената проверка на податоците.
Во извештајот се наведува дека има многу сомненија дека починати лица се уште се во избрачкиот список, дека има многу станари на иста адреса, дека постојат фиктивни гласачи на Изборниот список, веројатно со лични карти издаден од МВР, дека бројот на гласачи не го одразува бројот на населенито.
