Царинските службеници на граничниот премин Табановце денеска спречија обид за крумчарење на 122 килограми марихуана, соопшти Царинската управа.
Марихуаната е откриена денеска околу 11 часот во кровната конструкција на македонски автобус што сообраќал на редовна релација Струга – Виена. Истрагата е во тек.
Детали за случајот, како што се наведува во соопштението од Царинската управа, утре на прес-конференција ќе соопшти директорот Ванчо Каргов.