Булеварот „Митрополит Теодосиј Гологанов“ од денеска и официјално ќе биде отворен за сообраќај.
На оваа делница, булеварот се проширува од крстосницата со улицата Франклин Рузвелт до крстосницата со улицата Братфордска и булеварот „8.Септември“, во вкупна должина од 1.100 метри.
По проширувањето, булеварот ќе добие 4 коловозни ленти, а од двете страни на новата сообраќајница ќе има тротоари со ширина од по 3,5 метри.
Проширувањето на овој коловоз се искористи за да се изгради атмосферска канализација, а ќе се изврши и реконструкција на постојната фекална канализација.
Паралелно со проширувањето на вториот дел од булеварот „Митрополит Теодосиј Гологанов“, ќе се уреди и паркот со површина од 30.000 метри квадратни.