ЦУК доби благодарница од Џајка, јапонската асоцијација за помош во кризи и тоа е одговорот на прашањето дали во ЦУК се вработени професионалци или непрофесионалци, рече В.д. директорoт на Центарот за управување со кризи, Агрон Буџаку по прес конференцијата на Илија Бојаровски кој го обвини за неправилно раководење со Центарот.
– Господинот Илија Бојаровски настапува сам, а не во име на Синдикатот. Тој мисли дека со оцрнување ќе стане директор на ЦУК, рече Буџаку.
Во врска со трошоците за ручекот со шесте членови од јапонската асоцијација, Буџаку рече дека ЦУК има буџет од 220 илјади денари и тој ручек е платен со тие пари.
– Се работи за еден ручек со шесте членови на јапонската асоцијација, а не шест ручеци како што кажа Бојаровски, рече Буџаку.
В.д. директорот истакна дека сака да се сретне со членовите на синдикатот и дека сака да разговара за сите проблеми со нив.
Претседателот на синдикатот на вработените во ЦУК, Илија Бојаровски, заедно со новинарите се обиде да влезе во кабинетот на Буџаку, но не му беше дозволено од страна на обезбедувањето.
Виктор Јованов