По полноќ на Булеварот „Партизански одреди“ тешко е оштетено возило кое по ударот се превртило кај болницата „Букурешт“.
Возачот веднаш бил пренесен со Брза помош на Ургентен центар, а на местото пристигна полицијата која забранува пристап поради увид.
Според очевидци, имало бркотница со голема брзина по „Партизанска“ од правец на населбата Ѓорчен Петров, при што се пукало од друго возило кон возачот кој изгубил контрола и удрил во жардиниера.
Неофицијално, се работи за лице кое пред неколку месеци беше дел од тепачката во угостителски објект во населбата Аеродром.
