За претседател на Судскиот совет е избран Бранко Ушковски, поранешен правник, вработен во Центарот за управување со кризи. Тој доаѓа на местото на Александра Зафировска која 4 години, во два мандати го водеше Советот.
Бранко Ушковски е единствен член на Советот од редот на кандидатите Македонци кој никогаш не бил судија, а беше предложен од Влатко Самарџиски, член на Советот и судија на скопска апелација.
Бранко Ушковски кога беше избран за член на Републичкиот судски совет, крена голема прашина во политичките кругови. Опозицијата тогаш обвини за партизација на судството,
„Со ова се прави класичен упад во судството. ВМРО-ДПМНЕ испрати порака дека не сака да се тргне од судството и дека не сака реформи“, изјави тогаш Цветанка Иванова, од СДСМ.
Бранко Ушковски, човек со четири реда биографија и без еден ден искуство во судовите, рече опозицијата.